{"id":7078,"date":"2019-05-21T13:42:06","date_gmt":"2019-05-21T11:42:06","guid":{"rendered":"https:\/\/jaermuseet.wp3.hcweb.dev\/garborgsenteret\/?p=7078"},"modified":"2019-06-14T13:36:37","modified_gmt":"2019-06-14T11:36:37","slug":"og-stammen-min-er-kunst","status":"publish","type":"post","link":"https:\/\/jaermuseet.wp3.hcweb.dev\/garborgsenteret\/og-stammen-min-er-kunst\/","title":{"rendered":"… og stammen min er Kunst"},"content":{"rendered":"

Rachel Mwakazi Skj\u00e6rpe er ei av grunnleggjarane i ManGo Development<\/a>, ei frittst\u00e5ende og upolitisk foreining som baserer verksemda p\u00e5 like rettigheitar uavhengig av kj\u00f8nn, overbevisning og tru. Dei arbeider mest med \u00e5 fremja utvikling og levevilk\u00e5r i Kenya, Skj\u00e6rpe sitt opprinnelege heimland. N\u00e5 bur ho i Noreg med mannen sin, Vilhelm, som er formann i foreininga. Eit av prosjekta er My Tribe Is Art<\/strong>, som \u00f2g har gitt namn til utstillinga som opnar p\u00e5 Garborgsenteret 8. juni. Fram til d\u00e5 heng bilda p\u00e5 Frida Hansens hus i Stavanger.<\/p>\n

\"\"<\/picture><\/a>
Bildet til h\u00f8gre er laga av Bella, medan dei til venstre er av Njeri. Fotoet er tatt p\u00e5 Frida Hansens hus i Stavanger.<\/figcaption><\/figure>\n

I l\u00f8pet av to \u00e5r har over 100 afrikanske kunstnarar knytt seg til prosjektet. Skj\u00e6rpe fortel om konseptet, og ideen som oppstod i kj\u00f8lvatnet av det mislukka presidentvalet i Kenya i 2017. Valet blei annullert av h\u00f8gsterett etter mistankar om valfusk fr\u00e5 den sittande presidenten. Dette var f\u00f8rste gongen rettssystemet overpr\u00f8vde eit presidentval i Afrika, og kommentatorar s\u00e5g annuleringa som ein slags framgang for demokratiet – sj\u00f8lv om den umiddelbare effekten var kaos. Dramatiske hendingar fulgte, med drap og tortur, noko som f\u00f8rte til at opposisjonskandidaten trakk seg fr\u00e5 nyvalet. Resultatet blei at mange kenyararar tok avstand fr\u00e5 den kenyanske staten og at gamle stammekonfliktar blussa opp igjen.<\/p>\n

“For \u00e5 betra situasjonen i Kenya”, seier Skj\u00e6rpe, “m\u00e5 folket g\u00e5 saman mot korrupsjon og vald, og ikkje setja stammane opp mot kvarandre”. Eit tiltak er at kunstnarane i My Tribe Is Art ikkje f\u00f8rst og fremst skal identifisera seg ved stammetilh\u00f8yrsle, men ved det at dei er kunstnarar. “Eg heiter NN og stammen min er Kunst”. I staden for \u00e5 sp\u00f8rja kenyaranar kva etnisitet dei tilh\u00f8yrer, sp\u00f8r Skj\u00e6rpe om kva dei kan. Sv\u00e6rt ofte f\u00e5r ho svar som har med kunst \u00e5 gjera. Ho oppdaga eit mangfald av kunstuttrykk og ville oppmuntra til \u00e5 spreia dette universelle spr\u00e5ket.<\/p>\n

Skj\u00e6rpe fortel historier om unge menneske som ikkje har r\u00e5d til kunstutdanning, men som likevel dedikerer livet sitt til kunsten. Ho har plukka ut dei som har f\u00e5tt vera med p\u00e5 utstillinga, og har sans for dei som \u00f8nsker \u00e5 visa det vakre og sterke med Afrika, ikkje berre nauda. Ho har end\u00e5til fungert som inspirasjon for somme av dei, i det at ho sj\u00f8lv er blitt m\u00e5la.<\/p>\n

Eit kunstsal kan gjera ein stor forskjell for kunstnarane i Kenya. ManGo Development \u00f8nsker \u00e5 hjelpa folk til \u00e5 hjelpa seg sj\u00f8lve, anten det er gjennom \u00e5 laga hus eller kunst. Arbeidet skal folk gjera sj\u00f8lv , medan ManGo Development hjelpa til med \u00e5 skaffa byggematerialar eller utstillingslokale. Kunstnarane blir oppmuntra til \u00e5 ta eigarskap over konseptet My Tribe Is Art, og har begynt \u00e5 samarbeida og hjelpa kvarandre og arrangera utstillingar sj\u00f8lve. Ikkje alle kjem fr\u00e5 Kenya heller, representert p\u00e5 utstillinga er kunstnarar fr\u00e5 S\u00f8r-Sudan og Tanzania ogs\u00e5.<\/p>\n