{"id":3337,"date":"2019-05-31T10:38:07","date_gmt":"2019-05-31T08:38:07","guid":{"rendered":"https:\/\/jaermuseet.wp3.hcweb.dev\/vitengarden\/?p=3337"},"modified":"2020-08-19T09:24:36","modified_gmt":"2020-08-19T07:24:36","slug":"opnar-ny-utstilling-sauen","status":"publish","type":"post","link":"https:\/\/jaermuseet.wp3.hcweb.dev\/vitengarden\/opnar-ny-utstilling-sauen\/","title":{"rendered":"SAUEN"},"content":{"rendered":"

Utstillinga \u00abSauen\u00bb er ei permanent utstilling p\u00e5 Vitengarden. Bakgrunnen for utstillinga er ein 200-\u00e5r gammal tradisjon med \u00e5 f\u00f8re sauer til h\u00f8gheiene om sommaren. I dag kjem dyra fr\u00e5 kysten av Randaberg i vest til Grimstad i aust, dei blir f\u00f8rt til fjellet i Rogaland og Agder medan gjetarane\/heiasjefane kjem hovudsakleg fr\u00e5 J\u00e6ren. Det er ein levande tradisjon som har klart \u00e5 omstille seg etter endringar i samfunnet, og den er unik for denne delen av landet. Tilsvarande ordningar fins i landa kring Middelhavet, men er der under sterkt press.<\/p>\n

Heiaf\u00f8ringa er eit gode for sauen, og for dei delane av folket som ikkje er i kontakt med landbruksn\u00e6ringa; dyra held utmarka open og legg slik til rette for allmenn ferdsel, det gjeld b\u00e5de i h\u00f8g- og l\u00e5gheiene. Dessutan sikrar ordninga at vi beheld kulturlandskapet og dei biologiske verdiane det representerer. Dette er ei ordning det er god grunn til \u00e5 feire i ei tid der avstanden mellom bonde og forbrukar er veksande, og det blir stilt sp\u00f8rsm\u00e5l ved sauen sine klimagassutslepp. Vi vil at publikum skal reflektere over dette husdyret sin plass i menneska sine liv i ein lang tidshorisont og kva plass dyret skal ha i Norge i framtida. M\u00e5lgrupper er barn og ei vaksen allmenn publikumsgruppe.<\/p>\n

Utstillinga har fire ulike soner:<\/strong><\/p>\n

    \n
  1. Ein sm\u00e5feklinikk, der barn tek p\u00e5 seg rolla som veterin\u00e6r, unders\u00f8ker sauer og lam og stiller diagnosar. Deretter m\u00e5 dyra behandlast. Treng dei antibiotika? M\u00e5 f\u00f8tene bandasjerast? Eller kan dei rett og slett aldri verta friske?<\/li>\n
  2. Heiaf\u00f8ringa og \u00e5rssyklusen saman med sauen i samtid og fortid fortald gjennom foto. Bygger p\u00e5 materiale samla inn av museet nyleg, p\u00e5 byrjinga av 1990-talet og eldre historisk materiale i samarbeid med J\u00e6ren Smalelag, heiasjefar og saueb\u00f8nder i distriktet, lokale lag av Sau og geit, frivillige som driv trening av gjetarhundar, n\u00e6ringsmiddelindustrien og mange andre.<\/li>\n
  3. Sauen og sauehaldet tolka av filmkunstnar Anne Helen Robberstad, ein st\u00f8rre kunstinstallasjon.<\/li>\n
  4. Hundre ting om sauen. Gjennom museumsgjenstandar og andre ting formidlar me sauen sin plass i v\u00e5r kultur.<\/li>\n<\/ol>\n

    Vitengarden tek imot grupper p\u00e5 dag- og kveldstid og s\u00f8rger for god servering, omvising og m\u00f8terom om det er behov for det.<\/p>\n

    Her er nokre glimt fr\u00e5 opninga av utstillinga:<\/p>\n