Garborgheimen

Arne Garborg sin barndomsheim

Eit godt bevart jærhus med innreiing og møblar frå 1850-åra – ope for publikum om sommaren og elles etter avtale.

Eit godt bevart jærhus

Garborgheimen var Aadne (Arne) Garborg sin barndomsheim. Det er eit typisk jærhus og vart bygd i åra 1847/48 av foreldra Ane Oline og Eivind Aadneson Garborg. Innreiing og møblar er frå 1850-åra, og huset er skildra i fleire av Arne sine verk.

Huset vart freda av Riksantikvaren i 1939, og frå 1951 har Garborgheimen vore museumsbygg. Garborgheimen er også ein del av Garborgløypa, i lag med Knudaheio og Time kyrkje. Skannar du QR-kodane i og rundt huset, får du fram filmar og lydnuttar frå livet i Garborgheimen og Arne Garborg sine bøker.

Garborgheimen og Knudaheio, sommarstova til Arne Garborg, har same opningstider. Løyst billett på ein av stadene gjeld òg på den andre same dagen, og du får rabatt på inngangsbilletten til Garborgsenteret når du viser billett frå Garborgheimen eller Knudaheio.