Musea i Stavanger-regionen, – Arkeologisk museum, UiS, Norsk Oljemuseum, Museum Stavanger og Jærmuseet – går saman om å vise samkjensle og solidaritet med museum- og vitensenterkollegaer i Ukraina, det ukrainske folket og deira kamp for demokrati og fridom.
Mange er på flukt, og endå fleire er igjen og må gå i dekning eller i kamp for landet sitt.
Sanninga er krigens første offer, historia vert forvrengt og kulturinstitusjonar og kulturminne vert utsette mål.
Helga 5. og 6. mars vil musea i Stavangerregionen visa si støtte ved å gi eit bidrag av billettinntektene våre til Flyktninghjelpen sitt arbeid i Ukraina og i områda rundt.
For Jærmuseet sin del vil dette gjelda billettinntekter frå Vitenfabrikken laurdag, og frå Vitengarden sundag.
Støtteerklæringar
Me står heilhjarta bak Norges museumsforbund (NMF) , International Council of Museums – ICOM og Ecsite sine støtteerklæringar til kollegainstitusjonar i Ukraina.