Jærmuseet starta på oppdrag frå Utdanningsdirektoratet opp talentsenter i realfag i 2020. Ordninga med talentsenter i realfag ved vitensentre er en følgje av realfagsstrategien «Tett på realfag» utarbeida av Kunnskapsdepartementet i 2015.
Talentsenter i realfag har samlingar for elevar, i tillegg til tilbod for elevar og lærerar ute på skular.
Samlingar
Målgruppa er elevar med stort læringspotensial, som presterer på høgt fagleg nivå eller har potensial til prestere på høgt fagleg nivå. Elevar med stort læringspotensial er like ulike som alle andre elevar, men dei har nokre ting til felles.
Til dømes:
- ein indre motivasjon for å lære slik at dei ikkje alltid bryr seg om karakter
- vil vite kvifor
- lærar fort og kan kjede seg med mange like oppgåver
- likar komplekse oppgåver
- trekker sosialt mot eldre elevar og vaksne, for å finne nokon som har den same faglege forståinga av eit emne
Då tilbodet går under tilpassa opplæring under opplæringslova §1-3 vil deltaking på samling ikkje gje fråvær frå skulen.
Søknad til talentsenteret skjer i samarbeid mellom skule, elev og føresette. Søknadsfrist for skuleåret 2026/2027 var 24. april.
Les meir om samlingane skuleåret 2026/27 her.
Sjå https://www.vitensenter.no/skoleleveranse/talentsenter-i-realfag/ for meir info om talentsenter i realfag nasjonalt, og om elevar med stort læringspotensial.
Lærarkurs og opplegg i klassar
Talentsenter i realfag skal og vera ein ressurs for skular og lærerar som vil auka kompetansen om elevar med stort læringspotensial.
Me kan koma til skulen og halda lærarkurs om elevar med stort læringspotensial. Korleis identifisera dei, og korleis legga til rette for desse elevane i klasserommet. Til dømes i skulen si planleggingstid. Du kan lesa meir om lærarkursa her.
I tillegg kan me gjennomføra opplegg i heile klassar, eller for eigne grupper. Dette kan vera ei einskild hending, eller me kan hjelpa til med å setje i gang større prosjekt. Det kan og kombinerast med eit besøk av Science Circus.
Eit besøk på skulen blir tilpassa kva ynskje og behov de har. Ta kontakt, så avtaler me noko.
Ta kontakt med:
Prosjektleiar Marianne Hægstad Risdal, mhr@jaermuseet.no
Innhaldsansvarleg Jørn Hafver, joh@jaermuseet.no